كود – وكالات //

واكتشفو علماء فجامعة “ڤيينا” أن الكلاب قادرين على تحديد إيلا كان الإنسان كايخدعهم أو صادق فـ التعامل معهم.

وحسب مجلة “Proceedings of the Royal Society”، فالتجارب اللي داروها علماء الجامعة وخضعو ليها 260 كلب من مختلف السلالات، بينو القدرة ديالهم على تمييز إيلا كان الإنسان كايكذب ويغش، أو إيلا كان صادق فالتعامل معها.

و من بين التجارب اللي داروها الباحثين، خداو جوج صنادق ديال الزاج، واحد فيهم الماكلة ولاخور خاوي، إيلا واحد من الأشخاص المتطوعين ورا للكلب الماكلة المزيانة فين كاينة وتعززات ثقتو فيه، لكن فاش مشا، وتبدلات بلاصة الماكلة، واخا جا يوريه عرفو ماكانش صادق معاه، وماتاقش فيه.

وتبين أن نصف مجموعة الكلاب المشتركة فالتجارب، ماتبعاتش نصيحة الشخص اللي شاف عملية تغيير إناء الطعام، وحاول يقنعها بأن الماكلة فالصندوق الفارغ، وهذا كايعني أنها قادرة تميز الكذوب.

ويشير الباحثون إلى أن تجارب مماثلة تدارت بمشاركة أطفال قل من 5 سنين وقرود المكاك والشمبانزي، وبينات النتائج أن الأطفال والقردة كانوا، بالعكس، كايتيقو بالنصائح الكاذبة، كثر من الكلاب.