19/04/2024 07:00
ها بروگرام الدورة 26 من البطولة والعصبة أجلت قمة الرجاء ضد بركان وحددت موعد ماتش براكنة وليفار فكأس العرش
وكالات –كود//
الزيادة في الصالير مهمة بزاف لصحة الإنسان خصوصا النفسية والعقلية، هادي هي الخلاصة لي خرجات بها دراسة ميريكانية.
الدراسة أكدات أن الشباب لي مكيتزادهمش في الصالير أو لي كيتنقص ليهم صالير كتراجع صحتهم العقلية مقارنة مع الناس لي عندهم الدخل ثابت.
آدينا الحزروي، الباحثة في كلية ميلمان للصحة العامة بجامعة كولومبيا في مدينة نيويوك قالت أن “النقصان في الصالير والظروف الاجتماعية وحتى الاقتصادية كتزيد من مخاطر سوء صحة الدماغ، وهاد الفئة من الناس أكثر عرضة باش يمرضو بالقلب والاكتئاب والتوتر”.
الدراسة لي شملات 3 آلاف شخص قالت أن 17 في المائة من الناس لي نقص ليهم الصالير تزاد عندهم خطر الإصابة بمرض القلب والأوعية الدموية. علاش؟ لأن هاد الانخفاض كيخليهم يتبعو نظام غذائي مرون وهادشي كيسبب نوبة قلبية وسكتة دماغية.
