كود الرباط//

لا حديث وسط الكتبيين هاد الايامات، الا على الاستعداد الدخول المدرسي، كولشي كيوجد سطوك، وطبعا كاينا لي كيخبيو السلعة القديمة ويبيعوها بالاثمنة ديال هاد العام. ممارسات كيعرفها اي شخص اشتغل فهاد القطاع.

هاد العام غاتكون زيادات طبيعية فكولشي باستثناء الكتاب المدرسي حيث تدخلت الدولة ومنعات الناشرين يزيدو فيه، لعدة اسباب، أولها أن الكتب المدرسية المعنية باقتراح هذه الزيادة تهم المستويين الابتدائي والإعدادي، 70 في المائة منها تندرج في إطار برنامج مليون محفظة اللي دار الملك ضمن المبادرة الوطنية للتنمية البشرية تغطي أزيد 4.5 مليون من التلاميذ”. الناشرين بغاني يزيدو فأثمنة كتب كادعمها الدولة. ولكن عاقت بهم.

وسبق للناطق الرسمي باسم الحكومة أن قال :”مكايناش زيادة فالكتاب المدرسي”.

المكتبات بدات توصل بالسلعة خصوصا الكتب لي مهمة، تقريبا ما يفوق  40 فالمائة من المقرر الوزاري توصلو به.

دبا الشحيط غايكون فالادوات المدرسية والدفاتر والمقلمة ووو، هادشي كولشي كيعرفو بلي كيكون سطوك كيعاودو فيه البيع. هنا خاص المراقبة.