هشام اعناجي- كود الرباط//

الاغلبية بدات تستعد للدخول التشريعي والسياسي للموسم 2022/2023، بحيث تلاقاو رؤساء الفرق النيابية ديالهم للتنسيق القبلي.

وانعقد صباح اليوم الثلاثاء 7 شتنبر 2022، بمجلس النواب، اجتماع لرؤساء فرق الأغلبية بالمجلس. وقد تناول الإجتماع مختلف الملفات التشريعية والرقابية والديبلوماسية المطروحة  بقوة بمناسبة  الدخول السياسي والبرلماني المقبل.

رؤساء فرق الأغلبية البرلمانية اتفقوا خلال ذات الاجتماع على ضرورة تسريع مختلف الاوراش التشريعية المفتوحة وعلى رأسها مشروع القانون الاطار بمثابة ميثاق الاستثمار وعدد من مشاريع ومقتراحات القوانين قيد الدرس  أو المرتقب احالتها من طرف مجلس المستشارين.

غير هاد رؤساء الفرق البرلمانيين عاطينها البوز السياسي، قبل شفنا مضيان كيهاجم على الحكومة ويضغط عليها فالبدايات ديالها مزال كاع مدوزاتش تال شهرين. ورئيس فريق البام شفناه كيفاش هجم على لاسامير وجبد ملفات اتهم فيها مسؤولين فلاسامير بالتخلويض والشفرة وقال بلي خاصهم يكون فالسجن.

رئيس فريق البام وجه مدفعية ديالو لرئيس فريق الاحرار محمد غياث بطريقة غير مباشرة قبل نهاية السنة التشريعية الأولى، بحيث أن غياب كان مدير فلاسامير وكانت عليه تهم كثيرة وصداع بخصوص تدبير هاد المصفاة للي واقفا.

هاد التنسيق والتعاون غير شعار، اذا استحضرنا كيفاش دعم البام حملة ارحل ضد رئيس الحكومة، وناهيك عن صمت حزب الاستقلال في دعم الاغلبية فوقت المحنة.