الرئيسية > آراء > داك المرة لي بلا مهارات بلا دخل قار راسمالها الطيبوبة والصبر والبكى والتهرنين لي كتجسدها سعاد صابر في التلفازة مابقاتش بلاصتها.. دابا جا الوقت ديال العيالات القادات الهازات لي عندهم الجرأة يديرو لي بغاو وإلى دوا الراجل يسيفطوه للحبس
26/09/2020 15:00 آراء

داك المرة لي بلا مهارات بلا دخل قار راسمالها الطيبوبة والصبر والبكى والتهرنين لي كتجسدها سعاد صابر في التلفازة مابقاتش بلاصتها.. دابا جا الوقت ديال العيالات القادات الهازات لي عندهم الجرأة يديرو لي بغاو وإلى دوا الراجل يسيفطوه للحبس

داك المرة لي بلا مهارات بلا دخل قار راسمالها الطيبوبة والصبر والبكى والتهرنين لي كتجسدها سعاد صابر في التلفازة مابقاتش بلاصتها.. دابا جا الوقت ديال العيالات القادات الهازات لي عندهم الجرأة يديرو لي بغاو وإلى دوا الراجل يسيفطوه للحبس

محمد سقراط-كود///

شناهو التهديد لي يقدر يخلقو روتيني اليومي على الذكر الفايسبوكي المغربي؟ تاحاجة… والو.. ولكن واش ممكن لهاد الذكر أنه يدخل في منافسة مع صحابات روتيني اليومي ويعرض حتى هو شي حاجة وتلقى الإقبال والرواج فالسوق؟ طبعا لا.. إذن راه في الغالب هاد الصداع لي نايض في صفحات ولاد الشعب على صحابات روتيني اليومي هو الإحساس بالمظلومية وقلة ذات اليد، أمام البساطة والسهولة لي تقدر تدخل بيهم أي وحدة الفلوس من اليوتوب، كيبقى الذكر المغربي عاجز ومطالب بمجهود كبير سواء إبداعي أو هرائي باش يقدر ينافس، وخاصو الماتريال ويتحرك والتشويق والقصص والمونتاج وشلا حاجات باش يقدر يصنع محتوى يوصل لنص مليون مشاهد فربعيام، بينما أم أنور غير ببيجامة  ديال ستمية وكرصون ديال مية وستين وباكية صغيرة ديال التيد وزربية وسطل ديال لما وصلات لنص مليون، معندها لا زين لا فورمة عندها البساطة وحب الجماهير والكابتة والتطفل لي مبلي بيه بنادم.

نهار ضرب داك الراجل ترمة مرتو ومشا الحبس، بزاف عتابروه بحال شي انتصار للشرف الذكوري لي ضاع قدام فلوس الأدسنس، ناس كيقولو على راسهم فاهمين وواعيين ومع ذلك كانو داعمين وموافقين على إعتداء راجل على مرتو، ولكن ختنا طلعات حارة سيفطاتو يفطر بالسانطورو وملي لقا راسو مابقات ليه خرقة للمرقة، راه خرج ودار معاها صلح الحديبية، وراه موكا داخلة وكولشي راشقة ليه، واحد باقا كتصرف عليه مو حتى هو متضامن مع داك الراجل وباغي يحررو من السطوة والسيطرة ديال مرتو، وهو باقي محررش راسو من واليديه تلاتين عام هادي، وكالس يعلم الناس كيفاش يعيشو وشنو القيم لي خاص تكون عندهم، وكيتحسر على مغرب القمل ويرني وبوحمرون والجدري والقيم والرجال والعيالات الأميات القانتات في بيوتهن.

مرة بحال هاديك حالات كثار بحالها تكرفصو عليهم رجالهم وبقاو معاهم حيت معندهمش فين يمشيو، واش عاد غادي ترجع لدار باها برزمة ديال الولاد الى كان باقي عايش وعندو دار فين ترجع، كيبقاو قابلين على الذل والتكرفيص على ود الولاد وعلى ود معندهمش بديل، ولكن حاليا كاين اليوتوب وكاين روتيني اليومي أهم وسيلة للتحرر والإنعتاق من السيطرة الذكورية، لأنه في حالة نجحات فيه الوحدة كيضمن دخل يخليها تسيفط راجلها للحبس وتلقى باش تصير وباش تخلص لكرى ولما والضو، وداك المرة لي بلا مهارات بلا دخل قار راسمالها الطيبوبة والصبر والبكى والتهرنين لي كتجسدها سعاد صابر في التلفازة ديما، هاديك المرة مابقاتش بلاصتها، دابا جا الوقت ديال العيالات القادات الهازات لي عندهم الوجه يديرو لي بغاو ويتحملو مسؤوليتو بغض النظر شنو يبغي الراجل أو مايبغيش.

موضوعات أخرى

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي