الرئيسية > آش واقع > دار رابت فاسباتة فكازا.. مات حلاق – تصاور وفيديو
06/08/2020 08:30 آش واقع

دار رابت فاسباتة فكازا.. مات حلاق – تصاور وفيديو

دار رابت فاسباتة فكازا.. مات حلاق – تصاور وفيديو

عفراء علوي محمدي- كود// تصوير: ايس برس//

الدار اللي رابت لبارح فحي سباتة فمدينة كازا، تسببات فوفاة شخص واحد سميتو (م.ح)، وهو راجل زوفري عندو 54 عام، كيخدم حلاق فنفس البلاصة.

الحلاق اللي جبدوه البومبية من تحت أنقاض، مات متأثر بكسور وجروح بليغة تعرض ليها بسباب الانهيار، ومنين جبدوه كان ديجا فارق الحياة.

وفالمقابل، العائلة الوحيدة اللي ساكنة فالدار المكونة من 3 ديال الطوابق، نجات من الموت بأعجوبة.

هاهو الفيديو????الوقت لي رابت فيه الدار لي فاسباتة????????

Publiée par Goud.ma sur Mercredi 5 août 2020

وعملية البحث تحت الأنقاض وإزاحتها مازالة مستمرة للآن، وشهود عيان كيرجحو لا يكون مازال شي حد آخر حاصل تحت الحجر.

والسلطات فتحات تحقيق باش تعرف أسباب الانهيار والعوامل اللي تسببات فيه.

وحي سباتة عرف سقوط ديور كثار قدامين شوية، أهمهم دار مكونة من 4 طوابق كانت طاحت ف2016، وخلف سقوطها وفاة 4 ضحايا، كيف تسبب فعاهة مستديمة لسيدة تقطعات ليها رجليها.

موضوعات أخرى

19/03/2024 08:00

بن عبو لـ”كود”: موجة حر استثنائية فبلادنا وهاد السيناريو المناخي كيزيد تطرفا عام بعد عام وهادشي يؤكد أن الصيف الجاي غادي يكون حار وجاف وصعيب

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو