كود- وكالات//

كورونا تراجع بواف فالشينوا، لكن مزال كاين مشكل ديال الإصابات الوافدة من الخارج فيها، واللي كتخلي يكون احتمال يرجع يهدد البلاد.

اليوم الخميس، العلنات لجنة الصحة الوطنية، بللي الشينوا سجلات ف24 ساعة 63 إصابة جديدة بفيروس كورونا المستجد، 61 منها حالات جاية من برا، وماتسجلات حتى شي حالة وفاة جديدة اليوم.

وقالت اللحنة، فالتقرير ديالها اليومي على الوضعية الوبائية فالشينوا، بللي الحالات المحلية بجوج كينتميو لمقاطعة كوانكَدونكَ.

وبلغ إجمالي الحالات اللي جايا من برا ألف و103 حالة، منهم 374 تشافاو، 729 كيتعالجو فالمستشفيات، و31 فحالة خطيرة.