20/04/2024 07:00
“تيك توك لايت” منوض روينا.. المفوضية الأوروبية عطات للشركة 24 ساعة باش تعطيها توضيحات
كود// القاهرة
سالا ماتش ذهاب فينال عصبة أبطال إفريقيا بين الوداد الرياضي الأهلي المصري اليوم الأحد فتيران القاهرة الدولي، بفوز الفريق المصري بنتيجة 2 لواحد.
ونجح الأهلي المصري ف تسجيل الهدف الأول مع نهاية الجولة الأولى بواسطة بيرسي تاو، وزاد محمود كهربا الهدف الثاني للفريق المصري ملي وصلت الدقيقة 59، وحاول بعدها فريق الوداد الرياضي يرجع فالماتش وقدر يضرب هدف قلص به النتجية ماركاه سيف الدين بوهرة فالدقيقة 86.
الوداد الرياضي بعد هاد الخسارة اللي ما كانتش متوقعة بهذه الطريقة، مازل عندو حظوظ باش يحافظ على اللقب اللي ربح على ظهر الأهلي المصري الموسم الماضي، وخاصو يوجد مزيان لماتش الروتور بكازا يوم 11 يونيو باش يتقاتل ويخلي اللقب فالمغرب وخا المهمة ماشي سهلة، ولكن راه ممكنة بزاف حيث الهدف اللي ضرب بالقاهرة مهم بزاف وغيعطيه التأهل إذا ربح بهدف واحد لزيرو على الأقل بستاد دونور فالروتور.
