فدوى ديدوش-صحفية متدربة-كود//
اكتشف فريق من علماء الأحافير البقايا ديال “Thalassotitan atrox ” اللي هو حيوان من الزواحف البحرية، فطبقات الفوسفات فحقل أولاد عبدون فإقليم خريبكة.
فدوى ديدوش-صحفية متدربة-كود//
اكتشف فريق من علماء الأحافير البقايا ديال “Thalassotitan atrox ” اللي هو حيوان من الزواحف البحرية، فطبقات الفوسفات فحقل أولاد عبدون فإقليم خريبكة.
العلماء كيقولو على ان هاد الزواحف البحرية العملاقة الموساصور حكمات البحر لسنوات حيث كانت كتخلع انواع الحوت الاخرى وكان متخصصة فإفتراس الزواحف البحرية.
ومؤخرا اكتشفات فرقة من العلماء منهم لي من جامعة “Bath” الانجليزية، والمكتب الشريف للفوسفات، وجامعة السوربون الفرنسية الحفريات ديالها مع البقايا المتحجرة لفريستها واللي كانت عندها جمجمة كبيرة طولها 1,4، وكان عندها فك وسنان كبار.
وكيقولو العلماء ان الموساصور الجديد في المليون سنة الأخيرة من عصر الديناصورات، وهو معاصر لحيوانات بحال T. rex و Triceratops. وكتشير الاكتشافات الحديثة للموساصور من المغرب على انها مكانتش فحالة تدهور قبل من اصطدام الكويكب اللي أدى للإنقراض الجماعي الطباشيري.
وقال البروفيسور نور الدين جليل ، وهو مؤلف مشارك للورقة البحثية من متحف التاريخ الطبيعي فباريس، ان أحافير الفوسفات فالمغرب نافذة لا مثيل لها على التنوع البيولوجي القديم في نهاية العصر الطباشيري، وانها كتعاونهم يعرفو كيف كانت الحياة غنية ومتنوعة قبل نهاية” عصر الديناصورات .
وأضاف أنه كان فالمغرب وحدة من أغنى أنواع الحيوانات البحرية المعروفة من العصر الطباشيري وأكثرها تنوعا، وعاد بدينا نفهمو تنوع وحيوية الموساصور .