وكالات //

ربح الممثل الميركاني جوني ديب، البارح الخميس حوالي 3,5 مليون دولار، من بيع رسومات وپورتريات صايبها بال”PC”، ديال عدد من صحابو الفنانين.

وقال ديب البارح فصفحتو فموقع “أنستكَرام” بللي قاعات “Castle Fine Art’s” البريطانية عرضات الپورتريات اللي رسم للبيع فالأنترنت.

هاد الكوليكسيون الفنية اللي عنوانها “The Friends And Heroes” (صحاب وأبطال)، هي “شهادة اعتراف من جوني لناس عرفهم فحياتو، وكانو سباب ليه فالتحفيز والإلهام”، حسب كلامو.

https://www.instagram.com/p/CgjUNTfsbZt/?utm_source=ig_web_copy_link

ومن بين الناس اللي رسمهم جوني ديب، كاين المغني الميركاني بوب ديلان، والممثلة البريطانية الميركانية إليزابيث تايلور، والممثل الميركاني آل باتشينو والمغني البريطاني كيث ريتشاردز.

وقالت “Castle Fine Art’s” بللي طلبات شراء هاد الرسومات كانت كثيرة وتباعت الوحدة فيهم ب4800 دولار، ووصل ثمن 4 منهم فكادر واحد ل18200 دولار.