الرئيسية > آش واقع > خدمات كتعتبر الاولى فالمغرب. محطة أفريقيا دارت للكليان لونج للاستراحة ودوشات بجودة عالية لصحاب الكاميوات – تصاور
27/07/2021 16:50 آش واقع

خدمات كتعتبر الاولى فالمغرب. محطة أفريقيا دارت للكليان لونج للاستراحة ودوشات بجودة عالية لصحاب الكاميوات – تصاور

خدمات كتعتبر الاولى فالمغرب. محطة أفريقيا دارت للكليان لونج للاستراحة ودوشات بجودة عالية لصحاب الكاميوات – تصاور

عفراء علوي محمدي- كود//

فتحات محطة إفريقيا أول لونج ليها باسم “أفريقيا لونج”، فمحطة Les myrtilles، على لوطوروت اللي كتربط الرباط بطنجة، وكيتعتبر هذ اللونج الاول من نوعو فالمغرب.

وكيتوفر اللونج على صالة استقبال واستراحة خاصة فقط لزبناء إفريقيا اللي كيتوفروا على لاكارت ديال إفريقيا Firm Elit، كيف تم إطلاق خدمة الدوش بالنسبة لسائقي شاحنات الأوزان الثقيلة، فمحطة مولاي بوسلهام على نفس المحور الطرقي، مع توفير فضاء للراحة ففصل الصيف.

وحسب بلاغ للمجموعة، فهذ الخدمة الجديدة كتضم مجموعة من المرافق، بلمسة عصرية وراقية، من خلال قاعة انتظار ذات جودة عالية، كتتوفر على اتصال مجاني بالانترنت، مع الاستفادة من عرض ترحيب خاص.

واللونج كيضم خيارات واسعة من المشروبات الباردة والساخنة، وحلويات متنوعة، مع توفير فضاء للعمل وأدوات مكتبية وحاسوب وآمبريمونت، إضافة لقاعة اجتماعات كتمكن من عقد لقاءات حضورية أو عن بعد.

وللاستفادة من هذ الخدمات كيمكن يخلص الزبون تعريفة بسيطة، او يخلص عن طريق النقط اللي جمع من خلال تطبيق Kenz’up.

موضوعات أخرى

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا 

18/03/2024 22:30

فرحات مهنا لسيدنا وللمغاربة: القبايل ممتنة للمغرب وللملك وكنطالبو بالدعم السياسي والدبلوماسي باش نوضعو حد للجزائر

18/03/2024 22:00

قضية التيك توكر “ايمان كوين” اللي خرجات كتقول غاتنتاحر وتقتل ولادها معها.. البوليس داير خدمتو وكيستامع ليها