گود كازا //

هاد الفيلم ديال بوليسي الرحمة رجعنا لهاد الظلاميين لي رزاو عائلة وبلاد فراجل كان داير غا خدمتو، من بعد ما طاحو الدواعشة، “گود” جابت تفاصل على زعيم هاد الإرهابيين مول الفعلة، إمتى بايع داعش وكيفاش قتل البوليسي وباش حرگو واشناهي الحالة العائلية ديالو .

كشفات مصادر “كود” أن هاد الخلية لتم تفكيكها من طرف عناصر المكتب المركزي للأبحاث القضائية والفرقة الوطنية والشرطة القضائية بناء على معلومات وفرتها المخابرات الداخلية، (كشفات) أن الزعيم ديالهم بايع “داعش” هادي ثلاثة أشهر، وأن أفراد هاد الخلية الإرهابية تيشتاغلو في نجارة الألمينيوم وكانو تيخطو باش ينفذو أكثر من عمليتين في حق رجال الأمن من أجل حصولهم على السلاح الناري باش ينفذو عمليات السطو على الأبناك.

المصدر ذاته، ضاف، أن قتل بوليس الرحمة كان مخطط له مسبقا ولي نفذو العملية ثلاثة، بحيت ضربوه بالسلاح الأبيض للقلب ديالو، ثم الكلوة، عاد ذبحوه، مستغلين وقت الاستراحة لتيمشي فيها البوليسي يرتاح، من بعد هزوه فالسيارة ديالو أو داوه حرقوه بمنطقة حد سوالم، بعدما خواو عليه المازوط مستعملين الكمية ديال المزوط لكانت عند البوليسي فالسيارة ديالو.

المصدر نفسه يقول، أن زعيم العصابة المدعو “أيوب” من مواليد 1991 مزوج ثلات نساء وينحدر من منطقة دكالة.