نجوى المالحي-كود//
هادي شهرين رجع سعد لمجرد يدير الحفلات والسهرات في السعودية ودبي وكيدخل ويخرج من المغرب بحرية كاملة بحالا موةاواقع والو، وبحال إلا خدا البراءة من قضايا الاغتصاب لي متابع فيها قبل ما تصدمو المحكمة.
الخبير القانوني المغربي-الفرنسي رشيد بربوش قال أن المغاربة عتاقدو أن لمجرد بريء بعدما رجع للحفلات لكن هادشي غير صحيح، والعكس تماما حيت في فرنسا ملي كيخففو عليك غير عرف بأن الدقة الكبيرة جاياك في الطريق.
وأضاف المتحدث في برنامج ” إي تي” بالعربي أن لمجرد كيواجه عقوبة سجنية تقدر توصل حتال 20 عام، الا توجهات له رسميا تهمة الاغتصاب، وأنه غادي يتحاكم أمام قاضي جرائم في جلسة علنية قدام كلشي.
وعاودات محكمة الاستئناف في باريس فتح الملف وصنفات قضيتو في جرائم اغتصاب وماشي مجرد اعتداء جنسي.
