ف بيان مشترك نشرو البيت الأبيض.. المريكان و17 دولة اخرى كيطالبو بالإفراج الفوري على كاع الرهائن للي ف غزة
عمـر المزيـن – كود//
كشف خبير تربوي لـ”كود” أن وزارة التربية الوطنية والتكوين المهني والتعليم العالي والبحث العلمي- قطاع التربية الوطنية- باغية تتأكد واش بصّح امتحان مادة الرياضيات داز صعيب على صحاب البَاكْ البارح الثلاثاء أو لا.
وأوضح الخبير، في تصريح لـ”كود”، قائلاً: “الوزير أمزازي أمس في مجلس المستشارين بغا يقول سوف تتحقق الوزارة من الأمر، وماشي تحقيق بمفهوم تحقيق، وإذا كان الموضوع صعيب بزاف ولا طويل بزاف يتم تدارك الأمر أثناء التصحيح”.
وأكد المتحدث أن الوزارة باغية تتأكد دبا واش فعلا الموضوع صعيب حقاش كاين تلاميذ كيقولو راه طويل بزاف ماشي صعيب، مشيرا إلى أن لجنة التصحيح الأجوبة كتشوف الأسئلة اللّي جاوبو عليها الأغلبية باش تعاود النظر في سلم التنقيط”.
وأردف الخبير التربوي لـ”كود” أن هادشي عادي وكيوقع مرة مرة، والمهم أن مضمون الأسئلة يهم فقط الدروس اللّي قراوها حضوريا، عكس البعض اللّي كيقول ماقريناش هادشي.