نجوى المالحي-كود//

بعدما تسببات الجايحة العام لي فات في الإلغاء ديالو، علنات اليوم الأربعاء مؤسسة منتدى أصيلة أنها غادي تنظم موسم أصيلة الثقافي في دورتو 42 خلال الفترة ما بين 25 يونيو حتال 18 يوليوز.

الموسم لي كيتنظم تحت الرعاية الملكية غادي يعرف كيفما جرات العادة منذ 1978 صباغة الجداريات بمشاركة 11 فنان لي غادين يزينو الأزقة العتيقة ديال المدينة، إلى جانب نشاط ديال النحت والرسم في قصر الثقافة ما بين (25 يونيو و3 يوليوز) وبزاف ديال الأنشطة لي غادي يستافدو منها الكبار والصغار.

وبعدما يسالي الصيف، غادي يتم تنظيم الدورة الثانية من موسم أصيلة ما بين 22 أكتوبر و13 نونبر الجاي، وغادي تنظم 6 ديال الندوات بمشاركة باحثين ومفكرين.