مصطفى الشاذلي – كود//
وحيد خاليلوزيتش، مدرب المنتخب المغربي عبر عن إعجابه الكبير لمحمد امين إحاترين لي كيلعب في إندهوفن الهولندي.
وأكد خاليلوزيتش أن هاد اللعاب عندو مهارات كبيرة، حنا كنتواصلو معاه باستمرار ولكن خاص تكون عندو هو الرغبة باش يلعب فلكيب ناصيونال وهذا هو الأهم.
خاليلوزيتش اعترف بلي كيتواصل مع بزاف ديال اللعابة، لي عنهم موهبة فإنكلترا وألمانيا وفرنسا وإسبانيا وهولندا، ولكن صعيب
نجيبو كلشي، أو تقنع شي واحد ماعمرو ما جا للمغرب، أو ما عندوش الرغبة باش يلعب للمنتخب المغربي.
خاليلوزيتش اعترف بأنه مازال في طور تكوين المنتخب المغربي وخاصو الوقت باش يحقق ذلك، كما اشتكى من كثرة الإصابات في صفوف المنتخب للمغربي، واغلبهم ما غاديش يكونو فالماتشات بجوج أمام ليبيا نهار الجمعة جاية بالملعب الشرفي في وجدة والگابون فملعب طنجة نهار الثلاثاء المقبل.
