الرئيسية > كود سبور > خاليلوزيتش بهدل حمد الله: هذاك اللعاب أناني وماشي معقول وحارث ما دار والو مع المنتخب.. وانتما الصحافيين علاش كاتركزو غير على الحوايج الخايبة
13/11/2019 12:00 كود سبور

خاليلوزيتش بهدل حمد الله: هذاك اللعاب أناني وماشي معقول وحارث ما دار والو مع المنتخب.. وانتما الصحافيين علاش كاتركزو غير على الحوايج الخايبة

خاليلوزيتش بهدل حمد الله: هذاك اللعاب أناني وماشي معقول وحارث ما دار والو مع المنتخب.. وانتما الصحافيين علاش كاتركزو غير على الحوايج الخايبة

مصطفى الشاذلي – كود سبور//

وحيد خاليلوزيتش، الناخب الوطني بهدل حمد الرزاق حمد الله اليوم الأربعاء في الندوة الصحافية بالرباط، لدارت باش يتكلم فيها على الماتش ديال المنتخب الوطني كونتر موريتانيا غدا الجمعة بملعب المجمع الرياضي الأمير مولاي عبد الله في الرباط، في إطار الإقصائيات الإفريقية المؤهلة إلى نهائيات كأس إفريقيا للأمم بالكاميرون 2021.

خاليلوزيتش گال على حمد الله “هذاك اللعابة أناني وما شي معقول كيتقلب في هضرتو سبق لي درتو ف لاليست، وحيدتو.

ماعجبنيش التصرف لي دار، والمنتخب فوق كلشي وما غاديش نقبل بشي حوايج ما راضيش بيها”.

خاليلوزيتش دخل حتا ف امين حارث، لي قلل من قيمتو مع المنتخب الوطني. وأضاف “حارث ما دار حتا وزة مع المنتخب منين جا.

مستواه مع شالك الألماني ما شي هو مع المنتخب خاصو يبدل مجهودات كبيرة. انا مامقتانعش بيه حاليا. المنتخب ما شي هو شالك. خاصو يفهم هادشي”.

هاد الميساج خاص يفهموه جميع اللعابة حتا يونس بلهندة، لي تراجع المستوى ديالو، لحقاش المنتخب المغربي ديال 40 مليون نسمة ما شي ديال شي لعاب. وانا هاكا ما غادي يلعب الا إذا كان كيستحق.

وأكد خاليلوزيتش أنه جرب 30 لعاب منين جا ودابا اللائحة فيها 25 لعاب والباب مفتوح أمام الجميع وثلاثة ديال لعابة من البطولة، وهم بدر بانون ويحيى جبران والحارس هشام المهجد هادو، لي احسن ولا كان عندكم شي وحدين گولوها ليا، ثم أضاف “خاصكم تفتاخروا بزياش وحكيمي ومزراوي وسايس ودرار، علاش كا تسولوني غير على الحوايج الخايبة سولونا على هادوا مثلا لي كيهضر عليهم الجميع. أنا بعدا فرحان مع مثل هاد اللعابة”.

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد