واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026
هشام اعناجي -كود الرباط:///
علمت “كود” من مصدر مطلع، أن خمسة مترشحين فيهم مصابين بفيروس كورونا، دوزو اليوم مباراة لولوج السلك العادي للمعهد الملكي للإدارة الترابية، أي لي غايوليو قياد مستقبلا.
وحسب ذات المصدر فإن وزارة الداخلية رسلات لجنة خاصة باش دوز امتحانات لهاد خمسة المترشحين، وكلفات اطار بالوزارة باش تكون مديرة مكتب الامتحان، لي دار فالمستشفى العسكري ببنكرير.
هاد خمسة كلهم ذكور، دوزو بحالهم بحال لي دوزو هاد الصباح فالرباط.
وعلق مسؤول بوزارة الداخلية على هاد المسألة لـ”كود”، بالقول :”فعلا رسلنا لجنة خاصة للمستشفى العسكري باش يدوزو ليهم امتحان لضمان المساواة وتكافؤ الفرص بيناتهم”.
وتابع :”باش يمحسوش لي تصابو بأنه كاين شي تمييز ضدهم، لذلك وفرنا لهم نفس الشروي”.
وأكد ذات المصدر أن هذه المباراة جات ف سياق غير عادي، بعدما تأجلت لأزيد من 4 أشهر بسبب انتشار فيروس كورونا.
الاهم هو ان الداخلية جددت دمائها، وفق ذات المصدر.
يشار الى نور الدين بوطيب، الوزير المنتدب لدى وزير الداخلية، سبق له ان صرح في البرلمان، بوجود تحديات على مستوى الموارد البشرية بالوزارة، مؤكدا ان الادارة تحتاج لموارد بشرية جديدة.