شرع اليد فدولة مزال خدامة بقانون ليوطي “الرجعي”.. اعتداء على “مفطر رمضان” مقطوع رجع النقاش للتخلف القانوني فبلادنا
كود الرباط///
علمت كود من مصادر خاصة، أن رئيس فريق البام سلح مستشاري الفريق بأحدث وسائل التكنولوجيا ، وكيف قالت المصادر فهادشي تخلص من المال العام، حيث أن رئيس فريق البام فمجلس المستشارين شرا من فلوس الشعب أو فعز كورونا آخر طابليطات و أيفون12، وسيفطهم ليهم حتى لديوانهم.
ماقام به رئيس الفريق خلا مصادر كود تتساءل، واش دار هادشي باش يكسب الود ديالهم ويصوتوا على قانون تصفية معاشات المستشارين، خاصة أن مصادرنا تؤكد أن المحرشي و وهبي كانوا ضد التصويت و كان العربي المحرشي نوض ضجة فالمستشارين على هاد القانون اللي رجع وزيعة غايفرقوها على المستشارين.
وزادت المصادر أن الأيباد و الأيفون 12، مشاو حتى لعند عزيز بنعزوز للدار واخا هادي 3 سنوات ماحط رجليه فمجلس المستشارين، ورغم أنه سارق فلوس الفريق ومازال ماردهاش.