يونس أفطيط – كود///
كما قالت كود ف العام الفايت ها هو صدق هاد العام. حيث أعلنت وزارة محمد أوجار نتائج الترقية ديال موظفي العدل وبانت سميت مدير مركزي لي كايشرف على الترقيات ف اللوائح النهائية، بعدما استطاع ف السنة الماضية يغير معايير الترقية لي خلاتو يضمنها بسهولة كبيرة، حيث ولى ف رتبة متقدمة بسبب المعايير لي قادها.
وأكدت مصادر رفيعة المستوى أن المدير مول الفضيحة كانت عليه ضغوط كبيرة باش يتنازل على هاد الترقية لي جرات عليه وعلى وزير العدل اتهامات كثيرة.
وعقدت لجنة خاصة لهذا الغرض في الأسبوع ما قبل الماضي، لكن وجدت صعوبة في التراجع عن قرار سبق لها اتخاذه، وكان واحد الاتجاه داخل الوزارة كايدفع في اتجاه يتنازل المدير على الترقية ديالو باش تحبس الهضرة على فضايحو لي منها كذلك تنقيل مراتو خارج المساطر الإدارية المعمول بها ولي حطها ف المديرية لي مسؤول عليها واحد من صحابو.
