الرئيسية > آش واقع > خاص. لقهاوي لحماحم والتبحيرة والرياضة والريسطورات والبطولة… راجعين وبيان للحكومة جاي فالطريق
20/06/2020 17:15 آش واقع

خاص. لقهاوي لحماحم والتبحيرة والرياضة والريسطورات والبطولة… راجعين وبيان للحكومة جاي فالطريق

خاص. لقهاوي لحماحم والتبحيرة والرياضة والريسطورات والبطولة… راجعين وبيان للحكومة جاي فالطريق

هناء ابو علي كود كازا ///

علمت “كود” ان بيان جديد دالحكومة غادي يخرج قريب على قضية رفع جزئي جديد لاجراءات حالة الطوارئ الصحية. مصدر حكومي قال ل”كود” باللي غادي يتم فتح لقهاوي ولحمامات وعودة للحياة بشكل كبير للمطاعم وللبحورا وللرياضات اللي كتكون فيه.

يتوقع فهاد المرحلة يرجعو لفراقي ديال البطولة يدربو. خاصهم شي شهر تقريبا قبل ما يكملو الماتشات المؤجلة ومن بعد 9 الماتشات اللي باقيين. هاد الماتشات غاديين يكونو٬ حسب مصدر اخر ل”كود”٬ بلا جمهور .

بيان الداخلية والصحة البارح كان قال باللي “المرور إلى المرحلة الثانية من مخطط التخفيف، مع مراعاة تطور الوضعية الوبائية في المملكة”.

هاد التخفيف عندو ما يبررو. واخا وقعات عدد كبير من الحالات البارح واليوم ما تسجلات حتى حالة وفاة. هاد الشي كيعني ان مناعة القطيع خدامة فالمغرب بشكل من الاشكال.

اللي خاص هو حملة كبيرة لوزارة الصحة على قضية التباعد الاجتماعي وتفادي الاجتماعات اللي فيها عدد كبير.

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد