هشام اعناجي- كود الرباط//

روينة ف لجنة المالية بمجلس النواب، مزال مبداش اللقاء الرسمي، بسبب مفاوضات شاقة بين الفرق البرلمانية والمجموعات النيابية ووزير المالية محمد بنشعبون، على المادة 247 مكرر لي لي كتخلي المساهمات المالية اللي عطاتها المقاولات والشركات لفائدة صندوق تدبير جائحة فيروس كورونا قابلة للخصم من الحصيلة الجبائية، وبالتالي استفادتها من الإعفاء من الضريبة اي جزء من المساهمات ديال الشركات ف صندوق كوفيد غادي يرجع لها بطريقة اخرى.

الباطرونا دارت ضغوطات قوية وربحات المعركة ف مجلس المستشارين، فاش رجعات المادة للمشروع واخا طيحها مجلس النواب.

دبا القرار بيد النواب البرلمانيين، في اطار القراءة الثانية.
المفاوضات تعطلات بزاف، البام فمجلس النواب مبغاش يصوت والتقدم والاشتراكية والبي جي دي تاهوما مبغاش يصوت على التعديل لي فرضاتو الباطرونا فمجلس المستشارين.

اللقاء لي تقرر يكون مع 11 اليوم الاثنين 20 يوليوز 2020، يخصص للقراءة الثانية لمشروع قانون المالية المعدل  2020 كما احيل من مجلس المستشارين، تعطل بسبب لقاء سري حضر فيه بنشعبون وممثلي الفرق والمجموعات النيابية.

يشار إلى أن الاتحاد العام لمقاولات المغرب بمجلس المستشارين، من اقناع جميع الفرق باستثناء العدالة والتنمية الذي اختار الصمت، على التصويت لصالح تعديل في مشروع قانون المالية التعديلي، يقضي بإرجاع المادة 247 مكررة إلى صيغتها الأولى.

الهدف هو تشجيع الشركات واعطائها تسهيلات ضريببية، من  خصم التبرعات لفائدة صندوق كوفيد، من الحصيلة الجبائية.

دبا السؤوال لي كيطرحوه ممتبعون وبرلمانيون هو :” شنو الصفقة لي غادير الباطرونا مع الحكومة والبرلمانيين باش دوز هاد المادة 247″.