هناء ابو علي الرباط ///

وزير الخارجية والتعاون ناصر بوريطة صرح ل”سبوتريك” الروسية ان المغرب ما سحبيش سفيرو لا فالرياض مصطفى المنصوري ولا محمد ايت اوعلي من الامارات العربية المتحدة. غير هو ما قالش كاع الحقيقة. المغرب ما سحبش السفرا ولكن استدعاهم بجوجهم للرباط للتشاور. يعني ان ايت اوعلي والمنصوري مريحين دابا فالعاصمة الرباط. هادي مقدمة على اساسها غادي ياخد المغرب قرارو. واش يحتج ولا اللا.

هاد الازمة غير ضربة مروحة جديدة لازمة صامتة بين الرباط من جهة والرياض وابو ظبي من جهة ثانية.

ايلي كان استدعاء المنصوري مفهوم الى حد ما فان استدعاء ايت اوعلي غريب. بجوجهم تم استدعاءهم على قبال تقرير “العربية” السعودية على قضية الصحراء. قدمات المغرب تقريبا ك”محتل” والبوليساريو كممثل وحيد للشعب الصحراوي وتحدثات عن “الجمهورية العربية الصحراوية الديموقراطية”. المهم ما خلاتش من جهدها باش توعت وتضرب المغرب. ابو منشار قطع جزء من المغرب فهاداك التقرير

لكن مال الامارات العربية؟ المؤاخدة عليها ان القناة بتث منها. يعني ان مشكلتها الوحيدة هي ارض البث. الاحتضان. شوية صعيبة للفهم ولكن باين السبب اخر والمبرر واخا باين لينا ما شادش٬ عندهم هما قابط. كاينة شي حاجة اخرى باغيين يرسلوها للاماراتيين.

دابا هاد جوج السفرا غاديين يضربهم برد لبلاد فهاد الليالي وصافي. اللي صادقة ليه هو المنصوري. ما حاملش هاداك المنصب ولقاها فرصة يبعد شوية