هشام اعناحي – كود الرباط //

علمت “گود” من مصدر مطلع أن وزارة الصحة اقتنت 30 ألف علبة من الدواء  “مولنوبيرافير” المضاد لكوفيد19 والمصنع من طرف المختبر الأمريكي “ميرك”.
وأوضحت مصادر “گود” أن هذه العلب ستوزع على الحالات الخاصة خصوصا كبار السن واللي عندهم حالات حرجة باستثناء النساء الحوامل ممنوع عليهم ياخدوه.

واكد ذات المصدر أن المغرب بعدما حقق نجاحات فالتلقيح، غايكون أول بلد افريقي غايستعمل هاد الدواء لي كيتباع فامريكا ب700 دولار للعلبة الواحدة.

البروتوكول ديال استعمال الدواء ساهل، فيه خمسة ايام فقط، كيتشرب الدواء لي هو عبارة عن كينات.

يشار بلي مديرة الأدوية والصيدلة بوزارة الصحة والحماية الاجتماعية، بشرى مداح، سبق ليها  وقالت إن المغرب رخص الاستعمال الاستعجالي لدواء  “مولنوبيرافير”  المضاد لمرض َكوفيد.