الرباط كازا ///

افادت وكالة المغرب العربي للانباء ان الصندوق الخاص بتدبير جائحة فيروس كورونا (كوفيد – 19)” للي كان علن عليها الملك محمد السادس وصل ل 23,5 مليار. هاد الشي بلا ما تحسب 400 مليون درهم ديال مولاي حفيظ العلمي وانس الصفريوي وعدد اخر من المساهمين الاخرين. بهاد الشي غادية توصل 25 مليار درهم

هاد الصندوق ساهمات فيه شركات خاصة وشركات تابعة للقطاع العمومي. الفوسفاط عطى 3 مليارات درهم ونفس الرقم تقريبا 3.5 مليار درهم كانت وكالة تقنين الاتصالات حكمات بيها علي اتصالات المغرب وتقرر تدار فالصندوق والهولدينك الملكي ساهم بجوج مليار درهم ومجموعة افريقيا عطات مليار درهم بحالها بحال “البنك الشعبي” والمحافظة العقارية و”صندوق الايداع والتدبير” و”بنك عثمان بنجلون واخا هاد الشي ما مفهومش. حقاش قال غادي نعطي ارباح الاشهر الثلاث الاولى من هاد العام. مازال ما دارش لحساب.

جهات المغرب ساهمات ب1.5 مليار درهم والمحافظة العقارية بينمامجموعة التعاضدية الفلاحية المغربية للتأمين والتعاضدية المركزية للتأمين عطات 500 مليون درهم بحالو بحال الاتحاد العام للمقاولات بالمغرب

اما مرسى المغرب وطنجة المتوسط فعطاو 300 مليون درهم فيما القرض الفلاحي والمكتب الوطني للمطارات عطى 200 مليون درهم

نفس المبلغ عطاه من فلوسو الخاصة مولاي حفيظ العلمي وانس الصفريوي فيما قدم القرض العقاري والسياحي 150 مليون درهم وساهم بريد المغرب ببـ 153 مليون درهم.

فيما “بتروم للمحروقات عطات 100 مليون سنتيم ونفس المبلغ عطاتو “كوزيمار” و”المغربية للالعاب والرياضة” و”وينكسو” و”المكتب الوطني للسكك الحديدية” ووعطات الشركة العامة بالمغرب 110 مليون درهم والمديرية العامة للامن الوطني 40 مليون درهم

فيما تبرعات “لابيل في” ب50 مليون درهم والشركة الوطنية للطرق السيارة ب50 مليون درهم

هاد الشي بلا تبرعات المواطنين ورجال الدولة من مستشاري الملك حتى الموظفين فالقطاعات الوزارية. كلهم عطاو شهر
الجيش عطى حتى هو الجدارمية

عدد من لمغاربة عطاو فهاد الحساب ديال بنك المغرب تحت رقم: RIB 001 810 00 780 002 011 062 02 21، باسم الخازن الوزاري لدى وزارة الاقتصاد والمالية وإصلاح الإدارة”.

ويخصص هذا الصندوق، بالأساس، للتكفل بالنفقات المتعلقة بتأهيل الآليات والوسائل الصحية، سواء في ما يتعلق بتوفير البنيات التحتية الملائمة أو المعدات والوسائل التي يتعين اقتناؤها بكل استعجال، لعلاج الأشخاص المتضررين بالفيروس في ظروف جيدة.

كما يخصص هذا الصندوق لدعم الاقتصاد الوطني، من خلال مجموعة من التدابير التي ستقترحها لجنة اليقظة الاقتصادية، بهدف التخفيف، على الخصوص، من التداعيات الاجتماعية لهذا الفيروس.

اللي مازال ما شفناهش هما هادوك الرياضيين بحال الزعيترات ولكوارية من غير وادو ما شفناش لا بنعطية لا زياش لا حكيمي لا غيرهم من لملايرية ساهمو فهاد الصندوق. زيد عليهم لعابة البطولة الوطنية. دابا من غير الجامعة وبركان وخريبكة ما عطاوش لفراقي لخراين

كاينين ملايرية خراين هما الفنانة بحال لمجرد والصويري والخياري وباطما بلا ما نهدرو على هادوك المؤثرات اللي طلعو لخوا الخاوي… فين هادو يعرفو غير يفوحو بالتصاور. يساهمو فهاد الصندوق