الرئيسية > آش واقع > خاص. الامانة العامة للبيجيدي قاطعات اجتماع بنعرفة ونبيل الشيخي ونزهة الوافي مع البام ديال وهبي
26/07/2021 13:45 آش واقع

خاص. الامانة العامة للبيجيدي قاطعات اجتماع بنعرفة ونبيل الشيخي ونزهة الوافي مع البام ديال وهبي

خاص. الامانة العامة للبيجيدي قاطعات اجتماع بنعرفة ونبيل الشيخي ونزهة الوافي مع البام ديال وهبي

كود كازا//

قال مصدر قيادي في حزب العدالة والتنمية ل”كود” أن أغلب أعضاء الأمانة العامة للحزب قاطعوا الاجتماع لي دارو بنعرفة ديالهم مع قيادة الاصالة والمعاصرة.

واكد قيادي البيجيدي لي تواصلات معاه گود ان اعضاء الامانة العامة للحزب توصلوا باشعار بعقد هاد الاجتماع، وعبر عدد منهم عن الاستغراب والاندهاش من التوقيت ديالو خاصة انه بطلب من البام.

ورفض اغلب أعضاء الأمانة العامة لي تاصل بيهم سليمان العمراني وكذا سعد الدين العثماني الحضور لهاد الاجتماع، واعتذر اغلبهم بكونهم خارج الرباط او في اجتماعات اخرى، لكن الحقيقة حسب القيادي لي تواصل معانا انهم مابغاوش يحضرو لان الاجتماع في نظرهم غير تخربيق وشيك على بياض غايوقعو الحزب ديالهم للبام والمخزن باش يزيدو يطحنوه فالانتخابات.

وأضاف المصدر ل”كود” ان اعضاء الامانة العامة للبيجيدي مابغاوش يخرجو للصحافة يعبرو عن رفضهم لهاد الاجتماع باش مايوقع مشكل داخلي والحزب كايستاعد للانتخابات ، وزاد ان فترة العثماني انتهت بالنسبة للكثيرين من داخل الحزب وان موعد الاعلان عن النهاية باقي ماوصلش لاعتبارات داخلية، ولان الانتخابات على الأبواب ومايمكنش النقاش الداخلي يزيد يضعف الحزب لي غالبا مغاديش يكون من بين الأحزاب الاربعة الاولى.

موضوعات أخرى

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها

28/03/2024 01:00

هجوم موسكو الارهابي.. 95 شخص ما زال مفقودين وروسيا كتشكك فان داعش هي اللي دارت هاد الهجوم