وكالات //
تسببات الفنانة المصرية روجينا فجدل كبير على مواقع الشوسل ميديا بعدما “علنات على مسلسلها الجديد من داخل الحرم المكي”، كيف قال البعض اللي هاجموها.
روجينا كانت كملات فرمضان 2022 من مسلسلها “انحراف” وطارت من بعد للسعودية لأداء مناسك العمرة. لكن مع ذلك ما وقروهاش صحاب الناقصة واللي كيحللو ويحرمو اللي بغاو على هواهم.
الفنانة المصرية ناض عليها الصداع فقط غير حيت نشرات مقطع فيديو وتصاور ديالها من قدام الكعبة فالحرم على الكونط ديالها فموقع “أنستكَرام”، وهي شادة تيليفونها وعليه بوستر ديال مسلسلها لشهر رمضان الجاي (2023) اللي سميتو “ستهم”.
خلاو كلشي وشدو ليها فالبوستر اللي بانت على التيليفون!
ومع الهجوم اللي تعرضات ليه، يبدو أنها اضطرت تحيد المقطع و التصاور اللي شبعات بسبابهم سبان وتشهير فالتعليقات، وخلات فوطو وحدة واقفة فيها قدام الكعبة.
روجينا بتعلن عن مسلسلها قدام الكعبة فين إحترام قدسية المكان ناقصها Red Carpet وبوسي شلبي استغفر الله pic.twitter.com/LNIcNgngBU
— شهد صالح (@i4SnKuIMRtU2qnf) May 2, 2022