مقرب من رئيس مجلس النواب ل”گود”: التمثيل النسبي والدستور كيعطي الحق للاتحاد الاشتراكي لرئاسة لجنة العدل والتشريع
كود هناء ابو علي كازا ////
لمغاربة مصدومين. كيشوفو واحد اسمو تركي ال الشيخ كان رئيس هيئة الرياضة واحد رجالات ولي عهد السعودية محمد بن سلمان حارب المغرب باش نافس امريكا لاحتضان مونديال 2026 لكرة القدم. لعب دور كبير باش يقنع دول اسيوية اسلامية ووعدهم بالدعم غير باش يصوتو على امريكا. هاد السيد خرج فتصريحات كيقول فيها باللي غادي يدعم امريكا حقاش مصالح بلادو مع هاد الدولة.
اعضاء الملف المغربي اللي كانو فروسيا كلهم كيعقلو على تفاصيل هاديك الهجمة. تفاصيل الشمتة. لدرجة انو دار ليهم فطور. حقاش تزامن توقيت التصويت مع اخر ايام رمضان لعام 2018. جمع وفود الدول الاسلامية اعضاء الفيفا فالفندق اللي كان كيقيم فيه الوفد المغربي ودار لوبييست لملف ميريكان. وجوه اعضاء الوفد المغربي فديك الليلة كانت فشي شكل. ما مصدقينش اش واقع.
ورا هاد الشي كولو كان تركي ال الشيخ. هاد بنادم جاي اليوم وكيتصور مع الملك محمد السادس وكيقول باللي راه تشرف وقبل باطلاق اسمو على البطولة العربية 2020 بالرباط. قال هاد الشي حقاش هو رئيس الاتحاد العربي لكرة القدم واخا ما بقاش فهيئة الرياضة وولى فهيئة الترفيه.
اييه ولكن لمغاربة ما قابلينكش انت. كاينة الدولة ومصالحها والصواب ديالها وكان الشعب اللي كيكره امثالك. كيكره بنادم بحال كمارتك كيتصرف تصرفات واطية.