الرئيسية > جورنالات بلادي > حيت كيثيقو فيه وكيعتبروه “حارس الأراضي المقدسة”.. رئيس الموساد سابقا: كنا غنطلبو الحسن الثاني باش يسول الرئيس السوري الأسد واش ناوي ينسحب من منطقة الجولان ولا لا.. ورئيس المخابرات المغربية عاونا
15/07/2020 18:00 جورنالات بلادي

حيت كيثيقو فيه وكيعتبروه “حارس الأراضي المقدسة”.. رئيس الموساد سابقا: كنا غنطلبو الحسن الثاني باش يسول الرئيس السوري الأسد واش ناوي ينسحب من منطقة الجولان ولا لا.. ورئيس المخابرات المغربية عاونا

حيت كيثيقو فيه وكيعتبروه “حارس الأراضي المقدسة”.. رئيس الموساد سابقا: كنا غنطلبو الحسن الثاني باش يسول الرئيس السوري الأسد واش ناوي ينسحب من منطقة الجولان ولا لا.. ورئيس المخابرات المغربية عاونا

عفراء علوي محمدي- كود//

فحوار ليه مع “ذا تايمز أوف إسرائيل”، كشف شبتاي شافيت، رئيس جهاز الموساد الإسرائيلي من 1989 إلى 1996، حقائق مثيرة على طلب إسرائيل تدخل الملك الحسن الثاني من أجل معرفة واش رئيس سوريا السابق، حافظ الأسد، كيفكر فسحب القوات السورية من هضبة الجولان، اللي كانت فديك الفترة تحت السيادة الإسرائيلية.

شافيت زاد شرح هذ الواقعة، فحوارو مع المجلة، أنه كان مكلف شي شوية بالملف السوري، والحرب اللي كانت بين سوريا وإسرائيل على المنطقة، وبمجرد اجتماع رئيس الوزراء الإسرائيلي الأسبق، إسحاق رابين، مع الأسد سنة 1994، رئيس الوزراء كلف شافيت باش يتكلم مع ملك المغرب الراحل الحسن الثاني، باش يتدخل ويهضر مع الأسد، ويعرف واش ناوي ينسحب من الجولان ولا لا.

وكيقول شافيت أن رابين كان بغا يدير تقرير مكتوب فيه تقييم شامل على الوضع فالمنطقة، لكن كانو ناقصينو المعطيات وماقدرش يكون صورة واضحة، وبالتالي كان كيشوف فالملك الحسن الثاني الخيار الأمثل لمعرفة نوايا الأسد، بلا مايفصح على أن الموساد هوما اللي طلبو منو هذشي، واختيار الحسن الثاني باش يسدل ليهم هذ الخدمة كان حيت كيعتبرو من “حماة الأراضي المقدسة”، وسبق ليه شارك فعمليات الشرق الأوسط، وكان رسل نظيرو المغربي عند الأسد.

لكن قبل حتى ما يتم طلب الملك، كان جاب شافيت رئيس المخابرات المغربية لرابين، عطاه تقرير شفوي مطول ومفصل على موقف الأسد، وقاليه باللي الرئيس السوري مامستعدش باش يخوي الجولان، حيت كان قال “بغيت نغطس رجلي فبحر الجليل”، وهو بحيرة قريبة لهضبة الجولان وكاينة فإسرائيل، هذ الجملة قال رئيس المخابرات بللي سمعها منو مباشرة، “لكن واخا هكذاك هذ الهضرة ماخلاتش رابين يستسلم ويسمح فكَاع هذ المجهودات اللي دار”، على حد تعبير شافيت.

لكن واخا هكذاك، وللإشارة، إسرائيل هي اللي كانت لمحات فمناسبات كثيرة على نيتها فالانسحاب من الهضبة، قبل ما تنسحب بشكل نهائي ف2000، وهذشي سبقو لقاءات تدارو مع الأسد ف1993 و1994، اللي قال فيها رابين أن انسحاب إسرائيل إلى كان غيكون فإطار اتفاقية سلمية تشابه معاهدة السلام بين إسرائيل ومصر، اي عن كريق الانسحاب التدريجي مقابل التطبيع مع إسرائيل.

موضوعات أخرى

19/03/2024 11:23

التحقيق مع الناشط الحيرش.. عزيز غالي: دبا فالحراسة النظرية والجمعية المغربية لحقوق الانسان كتابع الموضوع ودارت ليه محامي

19/03/2024 11:04

رئيس برلمان العسكر باغي يشوش على دعم باريس للحكم الذاتي والسفير الفرنسي فدزاير ما تسوقش ليه

19/03/2024 10:49

السياحة الداخلية فبلادنا سجلات كثر من 8.6 مليون ليلة مبيت فلوطيلات المصنفة.. عمور: السائح المغربي رجع كيحتل المرتبة الأولى قبل السائح الأجنبي

19/03/2024 10:30

إل موندو: اسبانيا ما بغاتش تستأنف قرار تبديل الجنسية الرياضية ديال دياز احتراما منها لرغبة اللاعب (وثيقة)

19/03/2024 10:27

بتصاور ..الجدارمية د بسيدي رحال حجزو 3 دالسطافيطات فيهم 15طن ديال الحشيش وزودياكات

19/03/2024 10:12

أرقام رسمية كتصدم على الخدمة فبلادنا.. 49,9 فالمية من النشيطين المشتغلين معندهوم حتى شي شهادة

19/03/2024 10:00

تيار كازا فالبام داير روينة فالأغلبية… صديق سعيد الناصري بغا رئاسة مجلس النواب: واش هادي مناورة من المنصوري باش تفاوض على التعديل الحكومي ولا انقلاب جديد داخل التحالف الحكومي ولا باش يبلوكيو مدونة الأخلاق لي غادي تحيد مناصب للبرلمانيين ديالهم لي عندهم متابعات فالمحاكم

19/03/2024 09:45

قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد