16/04/2024 16:15
الوداد والرجاء ومعهم 2 فرق مغربية ضمن 15 أحسن فريق إفريقي باغيين يشاركو فالسوبر ليگ الإفريقي
كريم الشركي – كود //
حكمات محكمة الاستئناف ففاس قسم جرائم الأموال، البارح الثلاثاء، فقضية رئيس بلدية الناظور السابق، سليمان حوليش، و جوج من النواب ديالو اللي كانو تعتاقلو في صيف 2020، بعدما قدم بيهم عامل إقليم الناظور، علي خليل، شكاية إلى القضاء على إثر عزلهم من مناصبهم من طرف المحكمة الإدارية.
وقضت استئنافية فاس بحبس رئيس بلدية الناظور المنتمي لحزب البام، ب4 سنوات حبسا، وعام ونص نافذ لنائبيه، حسين أوحلي المنتمي للبام، وفارس علال المنتمي للبيجيدي.
وكان عامل إقليم الناظور قد استعمل المادة 62 من قانون الجماعات، اللي كتمنحوا صلاحية رفع دعوى لعزل الرئيس أو نوابه بعد استفسارهم، وهادشي اللي دارو، بعدما توصل بملفات فيها خروقات كبيرة دارها حوليش.
