أنصار الخطاط ينجا ما خلاوش المؤتمر الإقليمي ديال حزب الإستقلال ينعاقد فالداخلة
كود ياوندي //
الحنوشا وشي زواحف أخرى مشاركة فكان الكاميرون 2022. هادي هي الخبار اللي راجت خصوصا بعدما پارطاجاو عدد من صفحات مواقع التواصل الاجتماعي، التونسية أساسا، تصويرة ديال حنش كبير خارج من طواليط قالو بللي لعاب منتخب تونس غيلان الشعلالي هو اللي صورها بعدما دخل لطواليط فأوطيل بمدينة ليمبي وهو يخرج ليه هاد بوسكا كيخلع.
ولكن من بعد شوية ديال التبقشيش بان بللي هاد التصويرة اللي راجت على أساس أن “اللعاب التونسي هو اللي صورها وبللي عاش هاد القصة المخيفة مع الحنش وسط طواليط”، (بان) أنها فايك وكذوب.
قصة تصويرة الحنش خارج من الطواليط قديمة وقعات وسط دار عائلية فالهند وفـ 2015.
ماعليناش، وخا هكاك هادشي ديال الزواحف أمر عادي فهاد الدولة، فبيسين أشهر أوطيل عندهم فياوندي واللي فيه مكتب الكاف وهو فندق “هيلطون”، كتكون كتعوم أو تشرب وكيخرجو زواحف بعضها كياكل من لفتات ديال ماكلة الكليان.
دولة كبيرة بحال الكاميرون واللي فيها غابة كبيرة بزاف (ثاني أكبر مساحة غابوية فإفريقيا من بعد الطرف لاخور من الغابة الإستوائية اللي فجمهورية الكونكَو الديمقراطية)، والعمران اللي كثير فيها عشوائي، جا فبلاصة هاد الغابة، عادي يكونو مزال هاد الزواحف فبلايص كثيرة اللي عمرات دبا ببنادم.
وهادشي اللي بارطاجا فصفحتو على “أنستگرام” اللعاب الشعلالي، بحيث حط تصويرة ديال حيوان كيشبه لوزغة عبر خاصية الستوري، ومنها بدات الاشاعة وسركلات تصويرة الطواليط والحنش..