فدوى ديدوش-صحفية متدربة-كود//
إبراهيم سعدون الشاب المغربي اللي مشا يحارب فأوكرانيا وطاح فيدين قوات موسكو، تحكم عليه بالاعدام من قبل المحكمة العليا للجمهورية الانفصالية بحجة أنه من المرتزقة. وخرج فمقابلة قصيرة بالفيديو من مور ما تعتقل، كيقول فيها لعائلتو بالدرجة انه بخير وبلا ما يخافو عليه وكلشي غيكون بخير وانه دار داكشي اللي بغا.
وحسب موقع “DW” الالماني، الحكومة المغربية بقات ساكتة ومادارت حتى ردة فعل ولا حتى مكالمة لعائلة سعدون، ولكن العكس كيفما جا فالمصدر انهم كيحاولو يخبيو القضية ديال سعدون.
ورجح نفس المصدر، ان السكوت ديال الحكومة لعلاقة المغرب مع روسيا وان المغرب كيحاول يبقا فموقف حياد، وايضا لأن المنظمة اللي اعتاقلات ابراهيم منظمة مكتعترف بها لا الأمم المتحدة ولا المغرب.
أدانته محكمة موالية لروسيا بالإعدام بتهمة "الارتزاق"..ما قصة المغربي #إبراهيم_سعدون؟ وما خلفيات انضمامه إلى القوات الأوكرانية؟ صديق له يحكي معطيات جديدة وبروفيسور ألماني يصفه بـ"أسير حرب"???????? pic.twitter.com/JlsY4163Ol
— DW عربية (@dw_arabic) June 10, 2022
وحاليا كتلقى قضية ابراهيم الدعم عبر هاشتاگ #savebrahim ،#أنقذوا_ إبراهيم اللي بداوه صحاب ابراهيم فأوكرانيا، وختو ايمان كتحاول إيصال القضية إلى الرأي العام. وكدير إيمان باستمرار مقابلات مع الإذاعة والتلفزيون بلغات مختلفة وكتنشر تصاور من طفولة خوها على وسائل التواصل الاجتماعي.
ولكن هاد الحملة كتواجه موجة كبيرة من الكراهية حتى من ولاد بلادو، لدرجة وصلات أنهم يأيدو الإعدام ديالو لانه فقط ابراهيم فواحد التصريح معرفش راسو على انه مسلم وهدر على الدين بحياد.