نجوى المالحي- كود//

واخا الأمر مازال في يد القضاء، إلا أن دنيا باطمة اتاهمات سعيدة شرف بأن عندها يد في قضية اعتقال ختها وبالمصائب لي نزلات عليها بسبب تورطها في ملف “حمزة مون بيبي”.

مصادر قريبة من دنيا قالت لـ”كود” بأن دنيا دخلات في اكتئاب ولي مشا عندها للدار كتبكي وتحلف ليه بأنه ما عندها علاقة بقضية “حمزة مون بيبي”، وعيشة عياش لي حتى هي مشدودة في الحبس قالت ليهم أن دنيا ما عندها علاقة بالحساب.

دنيا كتتاهم سعيدة شرف وعلاقاتها مع الناس الفوق كيف كتقول، فكون ختها تشدات، ماشي لأن عيشة عياش اعترفت عليها.