ملف الطبيب التازي : مرافعة الوكيل العام تقول ان جناية الاتجار بالبشر كينا
كود سبور//
صبح فريق مانشستر يونايتد الانجليزي مهتم بخدمات ولد المغرب حكيم زياش النجم ديال فريق تشيلسي، وكاينا إمكانية كبيرة باش يحمل القميص ديالو العام جاي.
وكشفت تقارير إعلامية أوروبية أن المغربي حكيم زياش كيجي فالأولويات ديال الهولندي إريك تين هاغ، المدرب ديال مانشيستر يونايتيد الانجليزي ولي سبق له درب حكيم زياش أياكس أمستردام فهولاندا، وبالتالي فالتألق ديال ولد المغرب مع تين هاغ فأياكس، مشجع المدرب الهولندي ومخليه باغي يجيبو للفريق ديال الشياطين الحمراء.
التقارير شارت إلى أن الاعضاء ديال إدارة مانشيستر يونايتيد عندهم تحفظ على التعاقد مع حكيم زياش وكاين انقسام وسط منهم على الفكرة ديال انتقالو للفريق ديالهم، لكن المدرب الهولندي تين هاغ باغي يجيب اللاعب المغربي وكيشوفيه حل من بين الحلول لي غيعتمد عليها العام الجاي، وعندو إستعداد باش يقنع إدارة مانشيستر يونايتيد باش تقدم عرض وتجيب زياش من تشيلسي.
حكيم زياش وقبل أسابيع، كان قريب يمشي لفريق ميلان الإيطالي، ولكن المفاوضات توقفات بسبب اختلاف أطراف الصفقة فبعض الأمور، وهو ليجعل النجم المغربي يتخلى على وكيل الأعمال ديالو مصطفى النخلي، وقرر يتولى بنفسو مناقشة العروض ليغتقدم ليه فالمستقبل الكروي ديالو.