الدولي المغربي أشرف حكيمي، لاعب باريس سان جيرمان الفرنسي، شكر لاعبي فريقه، بعد ماربحو نهار الثلاثاء ف الماتش امام لايبزيگ الألماني ب3-2، برسم ثالث جولات دور المجموعات لعصبة الأبطال الأوروبية.
وقال حكيمي بعدما تسالى الماتش، لموقع باريس سان جيرمان، ان فريقو لعب مزيان، وأن لاعبي لايبزيگ حتى هما كانو مزيانين وخصم صعيب ف المواجهة.
واكد اللعاب المغربي أن باريس سان جيرمان فريق ماكيستسلمش وكيلعب بجدية، واضاف: وفاش كنخسرو كنتقاتلو حتى النهاية باش نربحو النقاط الثلاث، وهادشي اللي درنا الثلاثاء.
وقال أشرف حكيمي انه فرحان باللاعبين حيت كلهم عندهم عقلية الفوز.