الرئيسية > آش واقع > خاص. حكومة الكفاءات زايدة فالفرشة. اقالة عبيابة قربات: مشى لموريتانيا وما جبدش الملك وغلط فاسم الرئيس وشوه فالبرلمان
17/11/2019 12:30 آش واقع

خاص. حكومة الكفاءات زايدة فالفرشة. اقالة عبيابة قربات: مشى لموريتانيا وما جبدش الملك وغلط فاسم الرئيس وشوه فالبرلمان

خاص. حكومة الكفاءات زايدة فالفرشة. اقالة عبيابة قربات: مشى لموريتانيا وما جبدش الملك وغلط فاسم الرئيس وشوه فالبرلمان

كود احمد الطيب ////

توقعت مصادر ل”كود” ان يتم اللجوء الى تعديل فحكومة بنعرفة. مصدر “كود” قال ان التعديل قد يشمل اقالة وزير الشبيبة والرياضة الناطق الرسمي باسم الحكومة من حزب الاتحاد الدستوري لحسن عبيابة. مدة قصيرة كانت كافية باش يتفرش هاد لوزير. ضعف كبير فالتواصل. كيف وقع ليه فاول لقاء صحافي بعد المجلس الحكومي الاول لحكومة بنعرفة المعدلة٬ ثم بين باللي ما مسوقش فالبرلمان باش سولوه وجاوب جواب ما عندو علاقة وزاد قودها قال ليهم كنت مفاهم مع البرلماني باش يعطي السؤال اللي وجدت اجابتو. اي سياسي كيحتارم البرلمان كان على الاقل يسمع السؤال ويرتاجل.

فقطاع الثقافة خرج بتصريح بليد كيقول فيه خاص اغاني الراب تحتارم التوابث. شرح لينا يا السي الفاهيم اش نا هما التوابث فالمغرب واش نا هي حدودها.

ولكن اللي غرقاتو هو ان الدولة كبرات بيه ورسلاتو لموريتانيا لنشاط تماك وعوض ما يحمر لينا لوجه صدق مشوهنا. ناطق رسمي باسم الحكومة فبلد المليون شاعر وعشاق الكلمة ما عرفتش ينطق اسم الرئيس الموريتاني. ماشي غير هادي فخطابو ما جبدش رئيس الدولة كاع. يعني الملك محمد السادس غاب عليه.

تفاصيل هنا ولهيه بينات باللي لبس كسوة كبيرة عليه. يبنات اكثر باللي هاد الحكومة ماهي حكومة كفاءات ولا ستة حمص. عبيابة كفاءة.

مصادر “كود” قالت باللي يقدر يتغير فغضون 7 ايام.

موضوعات أخرى

29/03/2024 13:17

ها المعقول..استثمار صيني كبير فالمغرب بـ3 مليار درهم لانتاج بطاريات السيارات الكهربائية غايوفر 2500 منصب شغل وبلادنا هربات على لالجيري فصناعة السيارات

29/03/2024 13:00

الجيش الإسباني غاد يوسع المنشأت العسكرية ف سبتة ومليلية وغيجهز مراكز خاصة للتدريبات والمناورات لسلاح المدرعات

29/03/2024 12:50

تفاصيل حصرية على وضع منسقة جهوية لحزب سياسي بجهة فاس مكناس فالحراسة النظرية: خدات من الضحايا فلوس صحيحة وصلات 18 مليون والمدير الجهوي ديال الضرائب هو اللي فضحها

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية