جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها
جمال بناصر – كود//
حكومة سبتة المحتلة وصلات ليها للعظم و بدات كاتزاوگ ف الحكومة الاسبانية المركزية باش تعاونها تخرج من حالة الاختناق اللي وصلها ليا المغرب بعدما قرر يسد الحدود ويمنع التهريب المعيشي اللي كانت سبتة كاتدور بيه الناعورة.
فالاجتماع الاخير ديال الحكومة المحلية للمدينة المحتلة تم مطالبة مدريد بالتدخل العاجل و الحازم للخروج من الازمة اللي دخلات المدينة ف حالة طوارئ اقتصادية منذ 4 اشهر تقريبا.
كارلوس رونطومي، الناطق الرسمي باسم حكومة سبتة، مشا ابعد من ذلك حسب ما نقلته عنه تقارير اعلامية اسبانية، اللي قالت انه اتهم المغرب بالتخطيط لخنق اسبانيا كلها، مستشهدا على ذلك بالمخطط المغربي لترسيم حدوده البحرية و محاربته للتهريب بسبتة و مليلية، و كذا الدورية الصادرة عن وزير الخارجية المغربي اللي منع فيها كبار المسؤولين المغاربة من دخول سبتة، حسب ذات المتحدث اللي اعتبر ان هذا كله دليل على ما يقوم به المغرب من اجراءات تعتبر اعتداء على اسبانيا.