عمـر المزيـن – مكتب الرباط:

علمت “كود”، من مصادر مطلعة، أن مصالح ولاية أمن أكادير، أحالت اليوم الأحد، شخص يُعاني من خلل عقلي، على مستشفى الأمراض العقلية بمدينة إنزكان، بعدما توصلت قاعة المواصلات بولاية الأمن زوال اليوم بمكالمة هاتفية تخبر بجود شخص بشارع الحسن الثاني، وهو يررد “الله أكبر” ويرمي حقيبة يدوية.

وحسب المصادر نفسها، لـ”كود”، فإن هاد الحادث استفر مختلف الأجهزة الأمنية بعاصمة سوس، سيما والي أمن المدينة اللّي خرج من البيرو ديالو باش يوقف على هاد القضية الغامضة. المهم البوليس دارو البحث وتبين ليهوم أن هاد السيد كيعاني من خلل عقلي وداوه لصبيطار ديال الحماق اللّي كاين فإنزكان.

وبالنسبة لداك الحقيبة اللّي لقاوها البوليس. تؤكد مصادرنا أن لا تحتوي على اي مواد خطيرة أو ما شبه ذلك. لقاو فيها فقط الملابس وشي أغراض ديال داك السيد