وكالات//

تفاجآت واحد العائلة عراقية ساكنة في إقليم كردستان العراق، بواحد الراجل ملثم حط فلوس قدام الدار ديالهم، وهو يمشي.

على حساب مقال موقع “شبكة 964” العراقي، هاد السيد خلا الفلوس حدا الدار وهرب، وفين مشاو مالين الدار يهزوهوم لقاو فيهم رسالة صدماتهم بزاف.

كيقول هيرش كريم، الإبن الأكبر ديال العائلة، أن الرسالة فيها اعتراف بأنه سرق لباهم مبلغ 3000 دينار سويسري (العملة القديمة ديالهم) من هادي 30 عام، وكيطلب منهم السماحة.

وقال كريم، أنه مللي سول الوالد ديالو، أكد ليه بصح أنه مشاو ليه شي فلوس فديك الوقيتة، ولكن لحد الآن حتى واحد ماعارف شكون مول الفعلة.