نجوى المالحي-كود//
وصلات الراقصة المغربية لي عايشة في الهند نورة فتحي لـ20 مليون متتبع على حسابها في انستكَرام.
واحتفلت نورة فتحي ب20 مليون متتبع بتصاور وفيديوهات دارتهم في حصة شوتينكَ وسط الصحرا، نواحي مراكش، وشكرات المتتبعين على الوفاء ديالهم .
نورة فتحي وصلات لهاد العدد ديال المتتبعين طبعا ماشي غير من المغرب، ولكن حتى من الهند لي خدامة فيها على راسها مزيان.
نورة فتحي حطمات الركور لي كان شاد سعد لمجرد وسط الفنانين المغاربة، وبالتالي ولات أول فنانة مغربية كتوصل لهاد العدد ديال المتتبعين.