كود كازا//

فحدود اليوم السبت، تلقحو فالمغرب ضد فيروس كورونا المستجد 1388539 فالطوطال من نهار بدات الحملة.

وحسب نشرة كوفيد 19 اليومية، تقاسو اليوم 479 واحد من أصل 10958 واحد دار التحليلة، ووصل عدد المصابين فالمجموع ل478135.

والمغرب مازال كيسجل عدد قليل دالوفيات، بحيث اليوم ماتو 10، ووصل المجموع ل8460 ألف، بنسبة إماتة ديال 1,8 فالمية.

وصل مؤشر الإصابة التراكمي ل1315,4 لكل 100 ألف نسمة، بمعدل 1,3 لكل 100 ألف نسمة فهذ 24 ساعة.

وتشافاو اليوم 548، ووصل الإجمالي ل458504، بنسبة تعافي 96 فالمية.

وتحددو عدد الحالات النشيطة ف11171، وعدد الحالات الحرجة ف485 حالة، ومعمرين دابا أسرة الإنعاش بنسبة 15,3 فالمية.

ومن الحالات الخطيرة، 43 تدهورات حالتهم اليوم، و37 تحت التنفس الاصطناعي الاختراقي.

وكتتوزع الإصابات والوفيات الجديدة على الجهات والأقاليم كما يلي:

وهذا المنحى الوبائي اليومي:

وهذا المنحى الوبائي الأسبوعي والوفيات الاسبوعية: