الرئيسية > آش واقع > حصيلة كورونا هاد 24 ساعة: 42 تصابو و217 تشافاو وحتى واحد ما مات.. الطوطال: 7643 و202 متوفي و5195 متعافي.. ومعدل انتشار الفيروس نزل لـ0,7
28/05/2020 18:30 آش واقع

حصيلة كورونا هاد 24 ساعة: 42 تصابو و217 تشافاو وحتى واحد ما مات.. الطوطال: 7643 و202 متوفي و5195 متعافي.. ومعدل انتشار الفيروس نزل لـ0,7

حصيلة كورونا هاد 24 ساعة: 42 تصابو و217 تشافاو وحتى واحد ما مات.. الطوطال: 7643 و202 متوفي و5195 متعافي.. ومعدل انتشار الفيروس نزل لـ0,7

عفراء علوي محمدي- كود//

علنات وزارة الصحة على تسجيل 42 إصابة جديدة بفيروس كورونا المستجد فهذ 24 ساعة الأخيرة، أي من الستة دلعشية لبارح الأربعاء حتى للستة دالعشية اليوم الخميس، وهكذا وصل عدد المصابين فالمجموع لـ7643.

عدد حالات الشفاء اليومية ارتافع اليوم بوثيرة ملحوظة بالمقارنة مع عدد الإصابات، بحيث قال مسؤول فوزارة الصحة، فالندوة اليومية للترصد الوبائي لفيروس كورونا المستجد، أنه تسجلات 217 حالة شفاء اليوم، ووصل المجموع لـ5195 حالة، أي بنسبة تعافي وصلات لـ68 فالمية.

واليوم ما تسجلات حتى وفاة جديدة، واستقر المجموع ف202، ونسبة الإماتة استقرات ف2,6 فالمية.

وعلى غير المعتاد، جهة طنجة تطوان الحسيمة هي اللي سجلات اكبر عدد دالإصابات اليومية، وماشي جهة كازا سطات، بحيث سجلات 22 إصابة بسبب وجود بؤرة كتتكون من 21 فرد فطنجة، وكاتجي فالمركز الثاني جهة كازا ب14 حالة جراء ظهور بؤرة صغيرة، ثمة جهة فاس مكناس ب3 حالات، وجهة الرباط سلا ب2 حالات، بينما ماسجلات الجهات الأخرى حتى إصابة.

من هاد 42 حالة اللي تسجلو اليوم، تم اكتشاف 36 عن طريق عملية تتبع المخالطين، ووصل عدد المخالطين اللي تم التتبع ديالهم منذ ظهور الوباء لـ41 ألف و781.

وأكد مسؤول وزارة الصحة، ان معدل انتشار الفيروس (Rt) نزل لـ0,7.

وتم استبعاد فالمجموع 172546 حالة إصابة بالفيروس، بعد ما خرجات تحاليل هذ الحالات سالبة.

وهذا التوزيع  الاصابات حسب الجهات بالنسبة المئوية:

موضوعات أخرى

19/03/2024 10:49

السياحة الداخلية فبلادنا سجلات كثر من 8.6 مليون ليلة مبيت فلوطيلات المصنفة.. عمور: السائح المغربي رجع كيحتل المرتبة الأولى قبل السائح الأجنبي

19/03/2024 10:30

إل موندو: اسبانيا ما بغاتش تستأنف قرار تبديل الجنسية الرياضية ديال دياز احتراما منها لرغبة اللاعب (وثيقة)

19/03/2024 10:27

بتصاور ..الجدارمية د بسيدي رحال حجزو 3 دالسطافيطات فيهم 15طن ديال الحشيش وزودياكات

19/03/2024 10:12

أرقام رسمية كتصدم على الخدمة فبلادنا.. 49,9 فالمية من النشيطين المشتغلين معندهوم حتى شي شهادة

19/03/2024 10:00

تيار كازا فالبام داير روينة فالأغلبية… صديق سعيد الناصري بغا رئاسة مجلس النواب: واش هادي مناورة من المنصوري باش تفاوض على التعديل الحكومي ولا انقلاب جديد داخل التحالف الحكومي ولا باش يبلوكيو مدونة الأخلاق لي غادي تحيد مناصب للبرلمانيين ديالهم لي عندهم متابعات فالمحاكم

19/03/2024 09:45

قطاع الخدمات مزال كيحتل الصدارة فالتشغيل: مخدّم كثر من 5 مليون واحد من السكان النشيطين المشتغلين ومتبوع بقطاع الفلاحة والغابات والصيد

19/03/2024 09:30

عدد السكان اللي بالغين لسن النشاط (15 عام والفوق) فات فبلادنا 27 مليون شخص.. مندوبية التخطيط: 63,5 فالمية ساكنين فالوسط الحضري