الرئيسية > آش واقع > حصيلة كورونا هاد الصباح فالجهات: 49 تصابو فمراكش.. وها باقي التفاصيل
09/07/2020 10:30 آش واقع

حصيلة كورونا هاد الصباح فالجهات: 49 تصابو فمراكش.. وها باقي التفاصيل

حصيلة كورونا هاد الصباح فالجهات: 49 تصابو فمراكش.. وها باقي التفاصيل

عفراء علوي محمدي- كود//

اليوم الصباح، جهة مراكش آسفي هي اللي سجلات أكبر عدد دالإصابات بفيروس كورونا المستجد، بحيث تقاسو فيها 56 فظرف 16 لساعة، ووصل المجموع فيها دالمصابين ل 2665.

بعد مراكش كاتجي جهة العيون الساقية الحمرا ب49 حالة، باش توصل ل777 حالة فالمجموع، ثم جهة طنجة تطوان الحسيمة ب44 حالة، ووصلات بالتالي ب2760 مصاب فالطوطال، وعاد جهة كازا سطات اللي بلغات 3805 حالة بعد تسجيل 38 إصابة جديدة.

بالنسبة للجهات الأخرى، فاس مكناس سجلات 26 إصابة، ووصلات ل1667، وكَلميم وادنون سجلات 6 إصابات، وبلغات 126، ثم جهة سوس ماسة وصلات ل97 حالة بعد تسجيلاها 4 إصابات، بعدهم جهة الرباط سلا القنيطرة والجهة الشرقية اللي سجلو 2 إصابات لكل وحدة فيهم، وهكذا وصل مجموع الحالات فيهم ل2024 و248 على التوالي.

بينما جهات درعة تافيلالت وبني ملال خنيفرة وجهة الداخلة واد الذهب ماسجلوش إصابات جديدة، وبقى المجموع عندهم ديال الإصابات مستقر ف586 و164 و16 على التوالي.

وفالعشية، غاتوافيكم “كود” بتفاصيل دقيقة على الوضعية الوبائية فالجهات والأقاليم لهذ النهار.

وللتذكير، المغرب سجل هذ الصباح 178 إصابة بالفيروس، ووصل المجموع مللي بدا الوباء ل14949 حالة، منهم 3335 مازال كيتعالجو.

موضوعات أخرى

19/03/2024 05:00

جورنال “الدايلي مايل ” بغا يحبس الشائعات لي كتسركل على الأميرة كيت: شهود شافوها كتدور مع راجلها وولادها

19/03/2024 03:00

مرض نادر كينتاشر فالجابون بطريقة كتخلع.. والعلماء مقدروش يعرفو الأسباب ديالو

19/03/2024 00:00

رابطة البوليساريو فالصبليون كضغط على وزارة الثقافة باش تحيد الاعتراف بمغربية الصحرا من الجريدة الرسمية ديال إسبانيا