عفراء علوي محمدي- كود//

كشف معاذ المرابط، منسق المركز الوطني لعمليات الطوارئ العامة بوزارة الصحة، ان المغرب كيحتل الرتبة الأولى فشمال أفريقيا على مستوى عدد تحاليل فيروس كورونا المستجد، وكيحتل الرتبة الثانية على المستوى الإفريقي.

وقال، فالحصيلة الاسبوعية ديال الوضع الوبائي لمرض “كوفيد 19” فالمغرب في حدود يوم الأربعاء 22 يوليوز، أن متوسط التحاليل اللي كيدير المغرب فاليوم كتبلغ 18 ألف تحليلة، وأن عدد التحاليل الإجمالي كيتجاوز المليون و100 ألف تحليلة من نهار بان الفيروس فالمغرب ف2 مارس 2020.

وكشف المسؤول للوزاري أن المغرب فايت المعدل العالمي ديال عدد حالات الشفاء من الفيروس، بحيث عالميا معدل التعافي كيبلغ 60,4 فالمية، لكن فالمغرب واصل ل87,1 فالمية.

ومعدل الإماتة فالمغرب منخفض مقارنة مع المعدل العالمي، بحيث نسبة الفتك عالميا هي 4,1 فالمية، بينما النسبة فالمغرب مستقرة ف1,6 فالمية.

وحتى معدل توالد الحالات فالمغرب منخفض حسب المرابط، وتحدد ف1,11.