كود اسماء غربي ///

تدوينة دارتها ايڤنكا بنت دونالد ترامب رئيس أمريكا على المغرب وهدرات على الأراضي السلالية فهموها إسلاميين معتدلين ومتطرفين فهامة اخرى.

ايڤانكا كتبات “كنرحبو وكنحييو الحكومة المغربية على هاد الخطوة المهمة اتجاه اتخاد قرار تغيير قانون الارث، ونتطلع الى دعم المغرب في تطبيق هاد القرار. و”Women’s Global Development and Prosperity (W-GDP)” غادي تبقى ديما كتدعم حقوق النساء، وانا شخصيا كنقدر القيادة القوية ديال الاميرة لالة جومالة”.

الإسلاميون من العدل والاحسان وشيوخ الدم من السلفيين عرفو باللي كلمة قرار تغيير قانون الإرث كذوب. السيدة كتهدر على الأراضي السلالية اللي لعيالات ما كانش عندها الحق فيها وجا مشروع جديد يعطيها الحق. هادا ما كان

احد وجوه التطرف فالمغرب حسن الكتاني دار تدوينة كيقول فيها “يا معشر المسلمين وخاصة العاملين في الدين، إذا بقيتكم صامتين اما تغيير البقية الباقية من القوانين الاسلامية فانتظروا الاسوأ”.

ناضو شي اتباعو من المتطرفين مشاو بعيد. واحد منهم قال “اعدوا الشهداء ان اردتم مجدا”.