كود أحمد الطيب///

صرف سعيد حسبان، رئيس الرجاء، راتب شهر، ومنحة الفوز على فريق حسنية أكادير، للاعبي الرجاء والطاقم التقني، باش اخلي المعنويات ديالهم مرتفعة، وشجعهم على الفوز على الجيش في المباراة ديال نصف النهاية لغادي تجمع بيناتهم غدا (الخميس).
وقرر حسبان مباشرة بعد ما توصل بمداخيل المباراة أمام الحسنية ولتعدات 80 مليون سنتيم، أنه اصرف منحة الفوز وراتب شهر، باش افرح اللاعبين وخليهم اديرو مجهود أكثر في المباراة المهمة أمام فريق الجيش الملكي بالرباط.
وغادي اياخدو اللاعبين الراتب ديالهم و5000 درهم لكل واحد وهي المنحة لكيحصول عليها اللاعبين بعد الفوز في الميدان، وكياخدو 7000 درهم في حال الفوز خارج الميدان.
وحصل حسبان على ميزانية مهمة في المباراة أمام حسنية أكادير، ساعدتوا باش اخلص اللاعبين، خصوصا أنهم فازوا وخداو المركز الأول في الترتيب ديال الدوري الاحترافي لكرة القدم.
وكيحاول حسبان اكون عند الكلمة ديالو مع اللاعبين، وخلصهم في كل مرة كياخد مداخيل المباراة، باش متراكمش الديون من جديد.