24/04/2024 01:00
الأمم المتحدة: آسيا هي القارة للي تضرات كثر بالكوارث الطبيعية.. وها شحال من كارثة ضرباتها
كود احمد الطيب ///
توقعت مصادر ل”كود” باللي ما يتوزعش الدعم على الصحف الورقية والالكترونية هاد العام. مصادر اكدت ل”كود” ان بعض الصحف كبيرة ولا صغيرة غادية تاكل لعصا وفيها اللي غادي يدير فاييت كاع.
هاد الشي عندو علاقة بالقوانين اللي كان خاصها توجد قبل واللي مع تغيير وزير الاتصال وحذف هاد الوزارة والتعطال اللي دار باش يولي قانون جديد بموجبه يكون منح الصحف والمجلات الدعم كلشي هاد الشي خربق كلشي.
وكان وقع اتفاق مع الوزير الناطق الرسمي باسم الحكومة المكلف بقطاع الاتصال باش يتم العمل بالقانون السابق ويمنح الدعم للصحف حقاش فلوسو خارجة فميزانية العام اللي فات. غير هو الوزير مشى فحالو لموريتانيا وخلى كلشي كيتسنى.
دابا باقي اقل من شهر فحالة ايلى ما تصرفش الدعم على الصحف غادي يرجع لميزانية الدولة. هاد التاريخ هو 15 دجنبر. عمليا صعيب بزاف يعلن على بداية استقبال ملفات الدعم ودراستها واخا بالاعضاء اللي كانو قدام فهاد الوقت
