25/04/2024 08:00
الطلب على العقارات تبدل فالمغرب. المشترين ولاو كيفضلو السكن لي كاين فالسونطر ديال المدن وإقبال متزايد على الاستوديوهات لي واصل ثمنها لمليون درهم للفوق
كود هناء ابو علي ////
علمت “كود” ان وزارة الخارجية والتعاون بعد ما تحرق الدرابو فمسيرة لدعم حراك الريف فباريس٬ مصدعة القنصليات باش يتحركو فمواقع التواصل الاجتماعي. دابا طلبو من كل قنصلية دير صفحة ديالها ويكون عندهم حضور.
مصدر “كود” قال باللي هاد الشي عندو علاقة بحرق الداربو. ماشي غير هاد لشي اللي طلبو من القنصليات بل كالو ليهم خاصكم ديرو احتفالات فعيد المسيرة. هاد الشي وقع. وفعيد الاستقلال يوم 18 نونبر. ماشي غير اي احتفال طلبو منهم يعبئو الجالية.
اللي فشي شكل كيفاش غاديين يطلبو من قناصلة يديرو هاد الشي والامكانيات ما كايناش. باش دير صفحة وتشرف عليها ويكون عندك تأثير راه وزارات فالبلاد فاشلين فيها.
دابا غاديين يديرو هاداك التخربيق اللي كان مع الجاليات ودعم الجمعيات ووو. هاد الشي ما بقاش صالح. عقلية الجالية غادية وتتغير. جيل جديد هادا
