أسماء غربي -كود//

نايضة صباط بين الشيخات والراقصات ديال المغرب. الحرب الباردة واقعة بين وحدة كتقدم راسها كالشيخة شاكيرا حيت مشهبة شعرها وبين الراقصة نور، لدرجة كيتلاقاو في حفلات ديال دينيا باطمة بلاما يدويو وكل وحدة شادة تيقارها باش ميتناتفوش.

شاكيرا بنت مراكش بدات الحرب الكلامية ملي دوات على الراقصة نور بصفة راجل قبل ما تتحول، وهادشي طلع الجنون للراقصة لي رافضة الماضي جملة وتفصيلا وبدات حياتها وفرضاتها كما هي دابا.

ومن غير نور وشاكيرا، الراقصة مايا لي تشهرات مع عثمان مولين مول البندير مكتحاملش هي والشيخة الطراكس واخا كل وحدة وشطيحها وكل وحدة والستيل ديالها.