ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة
نجوى المالحي- كود//
من ديما كنقولو ف”گود” ان هاد حرب اليوتوب غادي تحول شي نهار لكارثة، وهادشي لي واقع هاد الأيام مع المؤثرات، لي قلبوها سباط، وطبعا على الفلوس، لأن السوشل ميديا هي مورد الرزق ديالهم.
الحرب بين هاد المؤثرات وصلات لدرجة إقفال القناة الشهيرة ديال إكرام بيلانوفا لي كتعيش في ألمانيا، بسبب كمية المشاكل والتراشق في الفيديوهات بينها وبين الزميلات ديالها في الحرفة.
حاجة أخرى نوضات الصداع هي الـ”give away”، لي كل وحدة كتحاول طلع النيفو على الأخرى، وهادشي طبعا كيربحو منو الملايين، وهاد المؤثرات ولفو هاد الفلوس الباردين بلا مجهود من غير الكاميرا ديال التلفون.
الصداع داخلة فيه حتى مرات المغني فريد غنام، رباب أزماني، لي دارت فيديو طويل هاجمات فيه المؤثرات بنات مدينتها تطوان، لي كيخدمو على حسب قولها في الدومين بلا أخلاق.